1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Sama da mutane 200 sun halaka a tsunami

Yusuf Bala Nayaya
December 23, 2018

Lamarin da ya faru a Indonesiya ya shafi yanki a tsakanin Java da Sumatra, akwai dai wasu mutanen da suka bace da ba a kai ga sanin inda suke ba yayin da gidaje daruruwa da otel-otel suka rushe.

https://p.dw.com/p/3AZEF
Indonesien Sundastraße Tsunami
Hoto: picture-alliance/AP Photo

Sama da mutane 200 ne suka rasu wasu daruruwa suka samu raunika sakamakon aukuwar guguwa da ruwan sama mai karfi hadi da girgizar kasa da suka tada Tsunami wanda ya shafi bakin ruwa a yankin mashigar teku na Sunda a yammacin ranar Asabar. Lamarin ya shafi yanki a tsakanin Java da Sumatra, akwai dai wasu mutanen da suka bace da ba a kai ga sanin inda suke ba yayin da gidaje daruruwa da otel-otel suka rushe kamar yadda hukumar da ke sa ido kan afkuwar bala'oi (BNPB) ta bayyana.

A cewar masanan kimiya dai an samu fashewar wani tsauni mintuna 24 daga bisani aka samu kuma bala'in na Tsunami. Mutanen da abun ya shafa dai sun hadar da na yankin Padenglang da kudancin Lampung da Serang, wadanda ke a kasa da kilomita 150 daga yammacin Jakarta.