1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Shugaban Jamhuriyar Afrika ta Tsakiya ya yi murabus

January 10, 2014

Rahotannin da ke shigowa daga Chadi na cewar shugaban Jamhuriyar Afrika ta Tsakiya Michel Djotodia ya sauka daga mukaminsa na shugabancin kasar.

https://p.dw.com/p/1Aoei
Tsohon shugaban Jamhuriyar Afrika ta Tsakiya Michel Djotodia
Hoto: Getty Images

Mr. Djotodia ya bayyana yin murabus din ne yayin taron da ake na kasashen tsakiyar Afrika a kasar a Chadi, wanda ya maida hankalinsa wajen lalaubo hanyoyin warware rikcin kasar wanda ya jawo rasuwar mutane da dama.

Kamfanin dillancin labaran Faransa na AFP ya rawaito cewar nan gaba kadan ne ake sa ran fara tattaunawa a birnin Bangui na Jamhuriyar ta Afrika Tsakiya da nufin fidda wanda zai maye gurbin shugaban kasar.

An dai zarge Mr. Djotodia ne da kasa kawo karshen rikici tsakanin Kirista da Musulmi, batun da ya sanya shugabannin yankin matsa masa lamba ta yai murabus.

Mawallafi: Ahmed Salisu
Edita: Umaru Aliyu