1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

'Yan Siriya a Lebanon na komawa gida

Lateefa Mustapha Ja'afar
December 7, 2018

Jami'an tsaron kasar Lebanon, sun sanar da cewa kimanin 'yan gudun hijira 1,000 daga Siriya sun koma gida.

https://p.dw.com/p/39dGk
Syrien Damaskus - Flüchtlinge kehren zurück in Ihre Heimat
'Yan Siriya da ke Lebanon na komawa gidaHoto: picture-alliance/Photoshot/A. Safarjalani

Kamfanin dillancin labaran kasar ta Siriya SANA, ya ruwaito cewa komawar 'yan gudun hijirar na zaman wani bangare na yunkurin gwamnatocin kasashen Siriyan da Lebanon na ganin an mayar da 'yan Siriyan da ke zaune a Lebanon din gida. Dubban 'Yan Siriya ne dai yakin kasar ya tilasta musu tserewa zuwa Lebanon din da sauran kasashe makwabta da ma nahiyar Turai. A cewar kamfanin dillancin labaran na Siriya SANA, wadanda suka koma sun fito ne daga gundumar Homs da biranen Damascus da Hama, da ke zaman yankunan da aka karbe daga hannun kungiyar 'yan ta'addan IS.