1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Taron ministocin EU kan Turkiyya

Gazali Abdou TasawaJuly 18, 2016

Ministocin harkokin wajen kasashen EU na shirin gudanar da taro a wannan Litinin a birnin Brussels dan tattaunawa kan batutuwan da suka hada da halin da ake ciki a Turkiyya biyo bayan juyin mulkin da ya ci tura.

https://p.dw.com/p/1JQbQ
Belgien EU Halbmastbeflaggung Anschlag in Nizza
Hoto: Reuters/F. Lenoir

A lokacin wannan taro wanda zai samu halartar sakataren harkokin wajen Amirka John Kerry, ministocin harkokin wajen kasashen na kungiyar Tarayyar Turai za su yi kira ga Shugaba Recep Tayyip Erdogan na Turkiyya da ya kiyaye dokoki da kuma hakin dan Adam wajen daukar matakan kalubalantar wadanda suke da hannu a cikin yinkurin juyin mulki da bai yi nasara ba.

Ko baya ga batun Turkiyya taron wanda a karo na farko zai samu halartar sabon ministan harkokin wajen Birtaniya Boris Johnson zai tattauna kan batun yaki da ta'addanci da rikicin kasar Libya da na Ukraine da batun 'yan gudun hijira daga kasashen Afirka.