1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Trump ya soke fifikon cinikayya da Indiya

Abdullahi Tanko Bala
June 1, 2019

Indiya za ta rasa wasu damammaki na cinikayya da Amirka ta yi mata sassauci na shigar da wasu nau'in kayayyaki cikin kasar ba tare da biyan haraji ba.

https://p.dw.com/p/3JbPU
USA Trump und Modi im Weißen Haus
Hoto: Reuters/K. Lamarque

Shugaba Donald Trump wanda ya sanar da hakan a ranar Juma'a yace matakin zai fara aiki daga ranar laraba mai zuwa.

Trump yace ya dauki matakin ne saboda Indiya bata gamsar da Amirka cewa za ta bada makamancin wannan dama ga Amirkar a kasuwanninta ba.

Tun fiye da shekaru 40 da suka wuce Amirka ta bada wannan dama ga wasu kasashe masu tasowa su shigar da wasu nau'in kayayyakinsu cikin Amirka ba tare da biyan haraji ba a wani mataki na taimakawa cigaban kasashen. 

Gwamnatin Indiya ta baiyana matakin na Trump a matsayin wani babban abin takaici. Sai dai ta ce za ta cigaba da karfafa dangantakar tattalin arziki da Amirkar.