1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Wasu mutane sun kai hari a majalisar dokokin Libiya

May 18, 2014

Kasar Libiya ta fada cikin rudun siyasa, inda wasu sojoji da ke biyayya ga tsofon Janar din soja na Libiya Khalifa Haftar, sun ayyana kansu a matsayin sojojin kasar ta Libiya na sahihi

https://p.dw.com/p/1C28g
Hoto: picture-alliance/AP Photo

A cewar Mohamed Al-Hedjazi, kakakin kungiyar ANL da tsofon Janar din sojan na Libiya ya kafa, su ne a matsayin su na sojan kasar Libiya suka mamaye majalisar dokokin.

Kanfanin dillancin labaran kasar ta Libiya LANA yace, mutane dauke da makamai sun toshe hanyar da ke zuwa ga majalisar dokokin kasar a Tripoli, inda ake iya hangen hayaki na tashi, tare da jin karan harbe-harbe a anguwanni da dama na Tripoli babban birnin kasar.

A cewar wani dan majalisa Omar Buchah, mutane dauke da manyan makammai ne, suka kai hari a ofisoshin majalisar inda suka bamka masa wuta.

A ranar Juma'a da ta gabata, dai fadan da ya barke tsakanin dakarun dake biyayya ga tsofon Janar din, da masu kishin Islama a Benhgazi ya yi sanadiyar mutuwar mutane 70.

Mawallafi: Salissou Boukari
Edita : Usman Shehu Usman