1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Zaben Siri Lanka ya zama abin koyi

Yusuf BalaJanuary 9, 2015

Shugaba Barack Obama na Amirka ya bayyana farin cikinsa kan yadda kasar Siri Lanka ta kammala zabenta cikin yanayi na zaman lafiya da kwanciyar hankali.

https://p.dw.com/p/1EI8N
Sri Lanka Präsidentschaftswahlen Maithripala Sirisena 9.1.2015
Maithripala Sirisena sabon zababben shugaban Siri LankaHoto: picture-alliance/AP/Eranga Jayawardena

Shugaba Obama ya bayyana shugaba mai barin gado Mahinda Rajapakse na Siri Lanka da nuna dattaku wajen mika mulki cikin nutsuwa, inda ya ce nasarar da kasar ta sako ne ga duk kasar da ke da muradin ganin girkuwar Demokaradiya.

Bayan da Obaman ya tayashi murna, zababben shugaban mai shirin hawa mulki Maithripala Sirisena ya bayyana fatan cika alkawuran da ya daukar wa al'ummar kasar:

"Mutane miliyan shida da dubu 200 sun dora mana alhakin kasarmu ta haihuwa da al'ummarta, saboda haka ina tabbatar wa al'umma cewa na dauki wannan alhaki don ganin na cimma bukatar abinda wadanda suka zabemu suka bukata".