ايتاليا ته د مهاجرو د بيرته لیږد پر سر زيهوفر سره د ساليوني اختلاف

د آلمان د کورنيو چارو وزير ډاډه څرګند کړی چې برلين او روم به د روانې ميلادي مياشتې تر پايه د مهاجرو د بيرته ليږد پر موضوع هوکړې ته ورسيږي. خو ايتاليا تر هر څه د مخه د اروپايي اتحاديې د بهرنيو پولو پر امنيت ټينګار کوي.

د آلمان د کورنیو چارو وزير هورست زيهوفر د چهارشبنې په ورځ وويل چې هغه به له آلمان څخه ايتاليا ته د مهاجرو د بيرته استولو پر موضوع د روانې ميلادې مياشتې (جولای) تر پايه له دغه هیواد سره هوکړې ته رسیږي. خو د هغه ايتالوي سيال ماتيو سالويني بيا ويلي دي چې تر ټولو د مخه د اروپا د بهرنيو پولو د امنيت او ساتنې له پاره د يوې ستراتيژي اړتيا ليدل کيږي.

دغو دواړو سياستوالو او د کورنيو چارو وزيرانو په يوه غیررسمي غونډه کې چې په اتريش کې جوړه شوې وه، له يو بل سره ملاقات کړی دی. سالويني تر دغې ليدنې وروسته وويل چې هغه او زيهوفر«ګډې موخې لري چې هغه د تازه رسيدونکو مهاجرو په شمير کې کموالی، [په سمندر کې] د مهاجرو په تلفاتو کموالی او په آلمان او ايتاليا کې د لږو مهاجر شتون دی.»

خو د دې سره سره، سالوينې بیا هم احتياط ته ترجيج ورکړه او وي ويل: «په ايتاليا کې [له آلمان څخه] حتې د يوه مهاجر له منلو څخه مخکې، موږ دې ته اړتيا لرو تر څو د اروپا له بهرنيو پولو څخه ساتنه وکړو. کله چې دغه مسئله په واقعيت بدله شي، بيا هغه وخت موږ کولای شو پر نورو موضوع ګانو هم خبرې اترې وکړو.»

د زيهوفر د استعفی غوښتنه

د ايتاليا د کورنيو چارو وزیر د ښي اړخي افراطي ګوند «ليګا» د يو رهبر په توګه، د مهاجرت په تړاو په خپلو سختو او تندو ویناو کې شهرت لري. سالويني مهاجرو ته «قاچاقبران، غلامان لرونکي او تررويستان» وايي.

د آلمان د کورنيو چارو وزير هورست زيهوفر هم د خپلو پارونکو او کنايه لرونکو څرګندونو له امله تر نیوکې لاندې قرار لري. پر هغه دغه نيوکې په ځانګړې توګه د هغه د خپلې ۶۹مې کليزې په ورځ ۶۹ افغان مهاجر افغانستان ته اخراج کړل لا ډيرې شوي دي.

له جرمني اخراج سوي مهاجر کابل ته ورسېدل

د دغو اخراج شویو مهاجرو له ډلې څخه د جمال ناصر محمودي په نوم يو تن، کابل ته تر رسيدو لږ وروسته ځان وژنه وکړه. ويل شوي چې هغه په کوم موقتي هستوګن ځای کې چې ساتل کيده، ځان زيندی کړی وو. د ۲۳ کلن جمال ناصر په اړه ويل شوي دی چې هغه اته کاله په آلمان کې ژوند کړی وو.

په نوردراين ويستفالن ایالت کې SPD ګوند ويلي چې هورست زيهوفر کورنيو چارو وزارت له پاره مناسب نه دی. آرشيف

د خواشينۍ اظهار او نيوکې

که څه هم د آلمان د کورنيو چارو وزارت د يوې اعلاميې په خپرولو سره، د دغه افغان پر مړينه، «ژوره خواشيني» ښکاره کړې ده، خو د ائتلافي حکومت شريکانو، او په ځانګړې توګه سوسيال دموکراتانو(SPD) له هغه څخه د استعفی غوښتنه کړې ده.

«سوسيال دموکرات» ګوند د آلمان د اوسني ائتلافي حکومت له درو شريکانو څخه يو دی. د دغه ائتلاف دوه نور شريکان د مرکل په مشرۍ د (سي دي يو) او د کورنيو چارو د وزير هورست زيهوفر په مشرۍ د (سي اس يو) ګوندونه دي.

د اخراج شوي افغان مهاجر ځان وژنه او پر زيهوفر فشارونه

سوسيال دموکرات ګوند د آلمان په تر ټولو زيات نفوس لرونکي ايالت نوردراین ويستفالن کې ويلي دي: «د کورنیو چارو يو داسې وزير چې له انسان دوستۍ بې برخې دی، زموږ هغې دموکراسۍ ته چې ډير وياړ ورباندې کوو، زيان اړوی.» د دغه ګوند څو نورو مهمو غړو هم غوښتي دي چې هورست زيهوفر دې د کورنيو چارو وزارت له څوکۍ څخه استعفی وکړي. دغه سیاستوالان وايي، د مهاجرت پر مسئله د زيهوفر له خوا د مرکل په کابينه کې اختلافاتو رامنځ ته کولو ته هڅې، د دې ښکارندويي کوي چې هغه دغه وزارت له پاره مناسب نه دی.

هورست زيهوفر

خو زيهوفر د هغه د استعفا د غوښتنې په اړه د خبريالانو د پوښتنې په ځواب کې وويل: «زه په دې هکله د ويلو له پاره هيڅ نه لرم، ځکه نه پوهيږم چې هغوي څه وايي.»

زيهوفر زياته کړه چې دغه تصمیم د آلمان د کورنيو چارو فدرالي وزارت نه، بلکي د هامبورک ايالت دولتي چارواکو نيولی وو تر څو هغه کس اخراج کړي چې د غلا مرتکب، د بدني زيان رسولو هڅې يې کړي وې، د چارواکو سره يې مقاومت ښودلی او د مخدره موادو سره د مبارزې قانون يې نقض کړی وو.

es/sms (AFP, dpa)/

له آرشيف څخه د مهاجرت پر موضوع يو انځوريز البوم: 

يونان، ايتاليا او هسپانيا ته څومره مهاجر رسيدلي دي؟

يونان ۲۰۱۵م کال

يونان ته په دغه کال ۸۵۶۷۲۳ مهاجر ورغلي.

يونان، ايتاليا او هسپانيا ته څومره مهاجر رسيدلي دي؟

ايتاليا ۲۰۱۵م کال

ايتاليا ته په دغه کال ۱۵۳۸۴۲مهاجر ورغلل.

يونان، ايتاليا او هسپانيا ته څومره مهاجر رسيدلي دي؟

هسپانيا ۲۰۱۵م کال

هسپانيا ته په ياد کال ۴۴۰۸ مهاجرو ځانونه ورسول.

يونان، ايتاليا او هسپانيا ته څومره مهاجر رسيدلي دي؟

يونان ۲۰۱۶م کال

يونان ته په ياد کال د نړۍ له مختلفو هيوادونو ۱۷۱۷۸۵ مهاجر ننوتل.

يونان، ايتاليا او هسپانيا ته څومره مهاجر رسيدلي دي؟

ايتاليا ۲۰۱۶م کال

ايتاليا ته په ياد کال کي ۱۷۳۰۰۸ مهاجر ورسېدل چي ډيری ئې له افريقايي هيوادونو دي.

يونان، ايتاليا او هسپانيا ته څومره مهاجر رسيدلي دي؟

هسپانيا ۲۰۱۶م کال

هسپانيا هم په دغه کال تر نورو پاته نه وه. دغه هيواد ته ۶۰۴۶ مهاجرو ځانونه ورسول.

يونان، ايتاليا او هسپانيا ته څومره مهاجر رسيدلي دي؟

يونان ۲۰۱۷م کال

يونان ته په روان کال کي د نورو دوو کلونو په پرتله لږ يعنی۴۰۰۰ مهاجر ورغلي دي.

يونان، ايتاليا او هسپانيا ته څومره مهاجر رسيدلي دي؟

ايتاليا ۲۰۱۷م کال

په اروپا کي د نورو په پرتله د مديترانې له لاري ايتاليا ته سږکال هم ډېر مهاجر (۱۹۰۰۰۰) رسېدلي دي.

يونان، ايتاليا او هسپانيا ته څومره مهاجر رسيدلي دي؟

هسپانيا ۲۰۱۷م کال

دغه هيواد ته بیا هم د نورو هيوادونو په پرتله په روان کال کي ډېر مهاجر(۲۲۰۰۰) رسېدلي دي.

يونان، ايتاليا او هسپانيا ته څومره مهاجر رسيدلي دي؟

د مهاجرو سلنه

لس هغه هيوادونه چي ډېر وگړي ئې ترې مهاجر شوي دي.

يونان، ايتاليا او هسپانيا ته څومره مهاجر رسيدلي دي؟

۱۰ مقام: مختلف هيوادونه

چې د مهاجرو ټولټال ۵ سلنه برخه ده.

يونان، ايتاليا او هسپانيا ته څومره مهاجر رسيدلي دي؟

۹ مقام: پاکستان

د دغه هيواد مهاجر اروپا ته د رسېدلو مهاجرو ۳ سلنه برخه ده.

يونان، ايتاليا او هسپانيا ته څومره مهاجر رسيدلي دي؟

۸ مقام: ګامبيا

دوی هم د پاکستان په شان د مهاجرو ۳ سلنه برخه ده.

يونان، ايتاليا او هسپانيا ته څومره مهاجر رسيدلي دي؟

۷ مقام: د عاج ساحل

د عاجل له ساحله هم مهاجرت ډير سوی. له دغي سیمي وتلي خلک اروپا ته د رسېدلو مهاجرو ۴ سلنه برخه ده

يونان، ايتاليا او هسپانيا ته څومره مهاجر رسيدلي دي؟

۶ مقام: ګانا

د مهاجرو ۴ سلنه برخه ده.

يونان، ايتاليا او هسپانيا ته څومره مهاجر رسيدلي دي؟

۵ مقام: اريتيريا

اروپا ته د رسېدلو مهاجرو ۸ سلنه برخه ده.

يونان، ايتاليا او هسپانيا ته څومره مهاجر رسيدلي دي؟

۴ مقام: عراق

اروپا ته د رسېدلو مهاجرو ۸ سلنه عراقيان دي.

يونان، ايتاليا او هسپانيا ته څومره مهاجر رسيدلي دي؟

۳ مقام: نايجريا

له نايجريا څخه هم هجرت ډېر سوی. دوی اروپا ته د رسېدلو مهاجرو ۱۰ سلنه برخه ده.

يونان، ايتاليا او هسپانيا ته څومره مهاجر رسيدلي دي؟

۲ مقام: افغانستان

له جنگ ځپلي افغانستان څخه تر سوريې را وروسته اروپا ته د رسېدلو مهاجرو ۱۲ سلنه برخه ده.

يونان، ايتاليا او هسپانيا ته څومره مهاجر رسيدلي دي؟

۱ مقام: سوريه

۲۳ سلنه برخه

يونان، ايتاليا او هسپانيا ته څومره مهاجر رسيدلي دي؟

سرچينې:

ارقام د ملګرو ملتونو د مهاجرت اداره او انځورونه د دويچه ويله له آرشيف څخه.