په کونړ کې څوک له چا سره جنگيږي؟

د کونړ په ځينو ولسواليو کې داعش او په ځينو کي يې وسله وال طالبان فعال دي. دغه دواړي ډلي نه يوازي دا چي له حکومت سره جنگيږي، بلکي په خپلو کي هم سره ښکر په ښکر دي. د دوی له جگړو په زرونو کورنۍ بې ځايه سوي دي.

په کونړ کيد داعش راڅرگندېدل

له څه کم دوو کلونو راهسې داعش ډلي په کونړ کې د خپل فعاليت په پيلېدو سره لومړی د تبلیغاتو تر څنګ د ځوانانو پر جلب و جذب کار وکړ او له تير کال راهيسي ې له حکومت سره مخامخ وسله والې جګړې پیل کړي دي.

دغي ډلي لومړی د کونړ د څوکۍ ولسوالي دیوه ګل دره ونیوله او هلته یې ځان ته پټنځایونه او مرکزونه ورغول او وروسته یې بیا له حکومت سره مخامخ جکړه پیل کړه چې د حکومت له لورې پرې په ځلونو عملیات وشول؛ خو لاهم یاده سیمه د دغې ډلې په ولکه کې ده او حکومت بریالی نه شو چې سیمه ترې په بشپړه توګه پاکه کړي.

بیا داعش جنګیالیو په سیستماتیک ډول پر څوکۍ سربېره نورګل، ماڼوګي، وټپور، چپې درې او ځینو نورو سیمو کې فعالیتونه پیل کړل چې په یادو سیمو کې د وسله والو طالبانو له مخالفت سره مخ شول او په خپلو منځو کې یې په جګړو پیل وکړ.

د داعش او طالبانو ترمنځ جگړه

د روان لمریز کال د وري پر لومړۍ نېټه په چپي درې ولسوالۍ کې داعش او طالبان په خپلمنځي جګړو اخته شول، چې څه باندې یوه اونۍ یې دوام وکړ. په دغو جګړو کې دواړو لوریو ته د مرګ،ژوبلې اوښتو تر څنګ ګڼ شمېر کورنۍ د خپلو سیمو پرېښودو ته اړي شوې.

د کونړ د چارواکو په خبره، د دغو جګړو له امله تر اوسه څه باندې ۲۵۰۰ کورنۍ بې ځایه شوي دي او ددغه ولایت نورو خوندي سیمو ته کډه شوي دي.

له جگړو د بې ځايه شوو ستونزي

د دغه ولایت مرستیال والي ډاکټر ګل محمد بیدار دویچه وله ته په خبرو کې وويل چې د بې کوره شویو کورنیو سره یې لومړنۍ مرستې کړي او لاهم د مرستو دغه لړۍ روانه ده.

هغه وايي دغې ولسوالۍ ته امنیتي ځواکونه رسیدلي او ژر ده چې د دواړو وسله والو ډلو د ځپلو په موخه عملیات وکړي.

یوې حکومتي سرچینې ویلي دي چې تر اوسه په دغو جګړو، توپچي بریدونو او بمباریو کې نیږدې شپېتو داعش او طالب وسله والو ته مرګ ژوبله اوښتې ده.

دغه جګړې د چپې درې په چومبړک، دیګل او ورڅېرمه سیمو کې شوي دي.

د کونړ د ولایتي شورا مشر ولایت خان مشواڼی وايي، که څه هم حکومت او مرستندویه ادارو د چپې درې له کډوالو سره مرستې پیل کړي؛ خو وايي، بې ځایه شوي کډوال له ډېرو سختو حالاتو سره مخ دي او پکار ده، چې په هره برخه کې یې لاسنوی وشي.

په همدې حال کې د کونړ ولایت د پوهنې رییس مجیب الرحمان همدرد هم دویچه ويله ته وویل چې د چپې درې د جګړو له امله د دغې ولسوالۍ ۳زره زده کوونکي له زده کړو محروم شوي دي.

دی وايي، دوی د کونړ نورو ښوونځیو ته لارښوونه کړې، چې بې ځایه شوي زده کوونکي لنډ مهال له پاره ښوونځیو کې شامل کړي.

د چپې درې له دیګل او کوټکي کلي بې ځایه شوی کډوال علیم خان او معلم دویچه وله سره په مرکه کې وویل، خپلو سیمو کې ترې ټول شته پاتې شوي، چې اوس پرې داعش ډله واکمنه او دوی له خپلو کورونو او کروندو ناخبره دي.

دوی وايي، داعش ډله هغو خلکو ته هم د سیمې پرېښودو اجازه نه ورکوي، چې لا نه دي بې کوره شوي.

ولسي خلک وايي، سیمه کې د ډار او وحشت څپه خپره ده، چې له امله یې د چپې درې اوسېدونکي په وېره کې ژوند تېروي.

عام خلک د نورو ستونزو تېرولو تر څنګ د خپلو ماشومانو راتلونکي ته ځکه اندېښمن دي، چې په وینا یې، له زده کړو او ښوونځیو محروم شول.

رحمت ولي او نذیر الله د چپې درې د یوه ښوونځي د یوولسم او اوم ټولګي زده کوونکي دي، وايي چې خپل راتلونکي ته اندېښمن دي او له حکومته غواړي، چې د بې ځایه شویو زده کوونکو له پاره د زده کړو بندوبست وکړي.

اندېښنې دادي چې که چېري داعش ډله له چپې درې را وروسته د کونړ په نورو سیمو کې وسله وال فعالیتونه پیل کړي، نو په دغه ولایت کې لوی انساني ناورین رامنځته کېدای شي؛ خو حکومتي مقامات ډاډ ورکوي، چې د داعش او طالبانو د سرکوبولو له پاره یې پلان جوړ کړی او دغه ډلي نه شي کولی چې حکومت ته لوی سرخوږی جوړ کړي.

داعش څرنگه په افغانستان کي له کوچنيانو کار اخلي؟

په افغانستان کي د تروريستي ډلي «اسلامي دولت» (داعش) وروستي انځورنه ښيي چي دوی څرنگه له کوچنيانو څخه د تروريستي هدفونو او تبليغاتو له پاره کار اخلي.

داعش څرنگه په افغانستان کي له کوچنيانو کار اخلي؟

دغه انځورونه د اگست مياشتي پر اوله نېټه په کونړ ولايت کي اخيستل سوي دي. کونړ له پاکستان سره اوږده پوله لري او ويل کيږي چي هلته ډېر پاکستاني طالبان پټيږي.

داعش څرنگه په افغانستان کي له کوچنيانو کار اخلي؟

د تروريستانو له خوا د کوچنيانو د روزني يوه برخه. تروريست خپل مخ پټوي خو کوچنيان چي روزي د هغوی مخونه نه پټوي.

داعش څرنگه په افغانستان کي له کوچنيانو کار اخلي؟

د تروريستانو له خوا د «خراسان» نقشه

تروريستي سازماان «اسلامي دولت» تر دې دمخه د يوې جغرافيايي نقشې په خپرولو سره حتی د افريکا او اروپا ځيني برخي په خپل «خلافت» کي شاملي گڼلي دي.

داعش څرنگه په افغانستان کي له کوچنيانو کار اخلي؟

له کوچنيانو څخه د تروريستي هدفونو له پاره کار اخيستل د داعش پخوانی کار دئ. کوم انځورونه چي د دغي تروريستي ډلي له خوا له عراقه خپاره سوي، ښيي چي دوی څرنگه کوچنيان پر تروريستي بريدونو کي کاروي.

داعش څرنگه په افغانستان کي له کوچنيانو کار اخلي؟

څه موده مخکي وسله والو طالبانو په افغانستان کي داعش ته گواښ وکړ، چي د افغانستان په «جهاد» کي مداخله نه کوي. په افغانستان کي ځيني طالبان له داعش سره يو ځای سوي دي.

داعش څرنگه په افغانستان کي له کوچنيانو کار اخلي؟

پر کوچنيانو باندي هر ډول خبره ډېر ژر اغېزه کوي او په دې سره په اسانۍ سره سړی کولای سي هغوی «جهاد» ته تيار کړي. ځکه نو تروريستي ډلو لکه داعش د کوچنيانو روزلو ته مخکه کړې ده.

داعش څرنگه په افغانستان کي له کوچنيانو کار اخلي؟

څه موده دمخه د افغانستان د ملي امنيت ادارې خبر ورکړ چي په دغه هيواد کي ئې د حافظ سعيد په نوم د داعش يو قوماندان له خپلو ۳۰ انډيوالانو سره په يوه هوايي يرغل کي وژل سوی دئ.

داعش څرنگه په افغانستان کي له کوچنيانو کار اخلي؟

په دې وروستيو کي د وسله والو طالبانو څو قوماندانان له تروريستي ډلي اسلامي دولت سره يو ځای سول او د افغانستان په ختيځ کي دغه ډله نوره هم پياوړې سوه.

اميد ديدار/ننگرهار

موږ تعقيب کړئ