Birmania, Sudani, Somalia - 'Mjekët pa Kufij' prezantojnë raportin për vitin 2007

Që prej vitit 1992 organizata humanitare 'Mjekët pa kufij' përkudeset në Birmani para së gjithash për të sëmurët nga Sida dhe ofron ndihmë mjekësore për pakicat etnike. Andaj reagimi i mjekëve të kësaj organizate ishte i shpejtë kur në maj, cikloni Nargis shkatërroi shumë pjesë të vendit. Ata u përkujdesen për të lënduaritë dhe shpërndan oriz dhe tenda të plastikës. Me kalimin e kohës kësaj ndihme i është shtuar edhe trajtimi psikologjik, thotë mjeku Tankred Stöbe, kryetar i organizatës:

"Për ne tani sfida mjekësore mbeten traumat shpiërtërore, fakti që njerëzitë nuk kanë arritur ende ta përpunojnë këtë ngjarje. Ne shohim shumë familje të cilët kanë humbur të gjithë fëmijët, të gjithë pasardhësitë e tyre gjatë stuhisë dhe tani janë rëndë të traumatizuar. Andaj ne kemi filluar që gjithnjë e më shumë nga ndihma mjekësore të kalojmë në përkujdesjen psikologjike".

Në fillim qeveria ushtarake e Birmanisë kishte kufizuar lëvizjen e lirë të organizatave humanitare por me kalimin e kohës ka ndyrshuar gjendja dhe tani mjekët mund të lëvizin lirisht në mbarë vendin.

"Ndërkohë nuk ka më kufizime. Natyrisht që ashtu si më parë ne duhet të informojmë saktë dhe në detaje se ku dhe kur do të shkojmë për të marrë të ashtuquajturat 'leje qarkullimi'. Me siguri që kjo dallon prej lëvizjes në një vend të lirë, siç e njohim ne. Por ne nuk kemi ndonjë pengesë domëthënëse në punën tonë. Megjithatë ne as nuk mbështetemi nga autoritetet vendore".

'Mjekët pa Kufij' nddihmojnë edhe në shumë vende të Afrikës. Në mesin e këytre vendeve është edhe Sudani. Në vitin 2005 në jug të Sudanit përfundoi lufta qytetare dhjetëvjeçare. Kjo luftë pas vetes la një infrastrukturë të shkatërruar në tërësi, ndihma mjekësore pothuajse nuk ekziston për njerëzitë.

'Mjekët pa Kufij' në të vërtetë nuk është oragnizatë humanitare për nidhma emergjente dhe mund të thuhet që tre vitet pas arritjes së paqës organizata të tjera u desh të kontribonin në rindërtim. Shkalla e vdekshmërisë nëpër klinikat tona është ende e lartë saqë ne nuk mund të largohemi ende nga jugu i Sudanit. Pra nevojat për ndihmë mjekësore janë ende të mëdha dhe ne nuk kemi parë deri tani përmirësime domethënse".

Si shumë kritike nga 'Mjekët pa Kufij' gjendja vlerësohet të jetë në Somali. Atje popullata vuan nga dhuna, uria dhe sëmundjet. Mundësitë për ndihmuar janë shumë të kufizuara. Në janar në qytetin Ksimayo, si pasojë e një sulmi humbën jetën tre bashkëpuntorë të 'Mjekëve pa Kufij'. Më parë ishin marrë peng dy bashkëpuntorë te tjerë dhe ishin mbajtur me dhunë për dy javë rresht. Në këtë mënyrë për shkak të rrezikut të madh për të huajtë ndihmë mjekësore në këtë vend të Afrikës lindore janë duke dhënë bashkëpuntorët somalezë të organizatës.