Koment: Më e pakëndshmja mbetet para dere

.Një aktivitet, që dy burrave të shtetit u pëlqen shumë. Në panairin e Hanoverit, kancelari Gerhard Shrëder dhe presidenti rus Vladimir Putin kënduan së bashku arien bashkëpunimit ekonomik, ngritën lartë veçanërisht sektorin e energjetikës, lavdëruan ndërmarrjet, nënshkruan kontrta, paranjoftuan shpresa për të ardhmen – një ditë e lumtur për dy politikanët, që frekuentojnë edhe miqësi të ngushtë me njeri-tjetrin. Diçka që nuk mund ta prishin, as pyetjet e pavend të gazetarëve, e as duke hapur tema delikate politike, siç është për shembull, situata në Çeçeni, apo liria e shtypit në Rusi. Dy ekonomistë të rangut botëror, që lavdëronin biznesin e lirë, ishin krah‘ për krah‘ me njeri-tjetrin.

Një gjë s’kemi përse ta shajmë pa arësye: S'ka dyshim, që në sektorin e marrëshënieve ekonomike gjermano-ruse janë shënuar rezultate pozitive. Është e vetëkuptueshme, që kjo shkon në të mirë të ekonomive dhe njerzve në të dyja vendet. E megjithatë. Ndërmarrjet gjermane që veprojnë ne Rusi kanë nevojë për kushte stabile. E këto janë: siguria, juridiksioni, mbrotjtja nga byrokracia e përmbytëse, transparencë, partnerë të besueshëm. Epër lulëzimin e të gjitha këtyre duhet një klimë e përshtatshme politike. Presidenti Putin, siç dihet e ka lënë prej kohësh rrugën e demokratizimit të brendshëm në vend. Ai është për stilin autoritar, ndërhyrjen dhe kontrollin shtetëror.

Por e gjitha kjo nuk i intereson kancelarit Shrëder për sa kohë që gurgullon nafta dhe rrjedh gazi. Ajo çka është e pakëndshme,si për shembull, lufta civile në Çeçeni vazhdon të mbetet para dere. Vetëm organizatat për mbrojtjen e të drejtave të njeriut dhe një grusht parlamentarësh të palodhur, kujdesen për këtë çështje. Askush nga radhët e tij nuk e kritikon më Shrëderin për marrëdhëniet me Rusinë.

Është e vëertetë, që jo çdo apel i shprehur me zjarr në publik i shërben një çështjeje të mbarë. Një kancelar nuk i kritikon politikanët e shteteve të tjera nëpër tregjet e kësaj republike. Megjithatë mbetet pyetja. Si ka ndikuar deri tani qendrimi i rezervuar i Shrëderit ndaj udhëheqjes ruse. Ku kanë ndihmuar kontaktet e ngushta ekonomike për demokratizimin e Rusisë. Dhe ju lutemi, si qendrojnë punët me politkën evropiano-ruse ndaj Çeçenisë?

Disa javë para se të fillojnë festimet për 60-vjetorin e përfundimit të luftës së dytë botërore duhet thënë diçka: Marrëdhëniet gjermano-ruse, për fat të mirë, janë më shumë se këmbimi i kapitalit, lëndëve të para dhe makinerive. Bashkëpunim ekonomik do të thotë edhe krijimi i së ardhmes.