Kosovë: Nevojitet fushatë më intensive propogandistike për Kosovën
27 Mars 2007Anëtarët e grupit negociator të Kosovës, thanë se pas dorëzimit në KS-it, të planit për statusin e Kosovës, nevojitet një fushatë më intenzive për të lobuar për propozimin ndërmjetësit, Marti Ahtisari, i cili parasheh një pavarësi të mbikqyrur për Kosovën. Fushata sipas tyre, do të përqëndrohet tek vendet me status jo të përhershëm në KS-it, për të siguruar votat për miratimin e rezolutës së re për Kosovën, mbi bazën e propozimit të ndërmjetësit, Marti Ahtisari.
Pala kosovare, sipas zëdhënësit Hyseni, do të jetë në kontakt të vazhdueshëm edhe me autoritetet e Rusisë, në përpjekje për t'a bindur ferderatën që t'u bashkohet vendeve që tashmë i kanë dhënë mbështetje paketës së statusit të ndërmjetësit, Marti Ahtisari. Grupi negociator i Kosovës në një takim të zhvilluar në Prishtinë edhe
njëher shprehu mbështetjen për planin e ndërmjetësit Ahtisari, ndërsa, Prishtina zyrtare thonë udhëheqësit kosovarë, do të angazhohet maksimalisht që ky plan të jetësohet së më shpejtë.
Anëtarët e grupit negociator të Kosovës, qysh tash kanë filluar të mendojnë për momentin vendimtar, shpalljen e Kosovës shtet të pavarur. Udhëheheqësit kosovar, thanë se në momentin e duhur do të vendosin nëse kuvendi i Kosovës do ta deklarojë pavarësinë, apo, Kosova të definohet si shtet në kushtetuëtn e saj, puna rreth së cilës është duke vazhduar me një dinamikë të shtuar.