Merkel dhe Sánchez diskutojnë për migrimin

Kancelarja Angela Merkel e përshëndeti marrëveshjen me Spanjën për pranimin e refugjatëve që dëbohen nga Gjermania apo Austria në rast se knaë kërkuar.më parë azil në Spanjë. Kjo marrëveshjen mund të vendosë "më shumë rregull në lëvizjet migratore dytësore", tha Merkel në Sanlucar de Barrameda ku u takua me kryeministrin spanjoll Pedro Sánchez. Që nga kjo fundjavë (11.08) refugjatët që kapen në kufirin gjermano-austriak mund të dëbohen për në Spanjë brenda 48 orëve në rast se ata kanë kërkuar atje azil atje. Megjithatë kjo me sa duket do të ndodhë rrallë, sepse sipas Ministrisë së Brendshme Gjermane që nga mesi i qershorit gjatë kontrolleve kufitare në Bavari nuk ka pasur asnjë rast të tillë.

Pyetjes së gazetarëve se nëse në kushte të tilla marrëveshja nuk ka më tepër se vlerë simbolike, Merkeli iu kundërpërgjigj me fjalët se kjo marrëveshje bën të qartë se "Gjermania dhe Spanja mendojnë për një zgjidhje evropiane" dhe për këtë ajo e vlerëson marrëveshjen "shumë, shumë lart". Kancelarja theksoi se "negociata intensive" po zhvillohen edhe për një marrëveshje të ngjashme me Greqinë.

Spanjë: Trefishohet numri i refugjatëve

Jo vetëm në Gjermani por edhe në Spanjë për çështjen e emigracionit po debatuar me forcë, pasi gjithnjë e më shumë emigrantë po u drejtohen brigjeve të Spanjës duke e vënë vendin në kufijtë e kapaciteteve të veta. Ngushtica e Gjibraltarit midis Spanjës dhe Marokut është në pikën më të ngushtë vetem rreth 14 kilometra. Dhe aktualisht, shumë emigrantë po përpiqen të kalojnë përmes Detit Mesdhe nga Afrika e Veriut në Spanjë. Krahasuar me vitin e kaluar numri i refugjatëve në Spanjë është trefishuar. Shumë vetë kërkojnë punë në Spanjë dhe konkurrojnë me ata që tashmë janë atje.

Lajmet për emigrantët aë synojnë në brigjet e Spanjës nuk po pakësohen. Nëntë migrantë nga Afrika pësuan së fundi avari në një anije druri në det të hapur. Anijet e shpëtimit të rajonit spanjoll të Andaluzisë i shpëtuan nëtë burrat pas një thirrje SOS. Refugjatët i strehuan në Tarifa, njofton agjencia Europa Press. Ata thuhet se ishin nga vende në jug të Saharasë dhe ishin nisur  drejt Spanjës me varkën e tyre prej druri nga qyteti bregdetar marokan Tangier.