Për pacientët kosovarë edhe dy vjet kurim falas në Shqipëri

Vetëm gjatë vitit 2003 në spitalet e Shqipërisë janë trajtuar 243 pacientë nga Kosova. Pjesa më e madhe e tyre dëshirojnë që analizat për sëmundjet si ato të zemrës, mushkërive dhe të tjera t'i bëjnë nën kujdesin e mjekëve të dëgjuar në Shqipëri. Për trajtimet e këtilla mjeksore, pacientët nga Kosova do të trajtohen falas të paktën edhe për dy vjet të tjera në bazë të një memorandumi që kanë nënshrkuar ministri i shëndetësisë i Shqipërisë Leonard Solis dhe homologja e tij në Kosovë Resmije Mumxhiu. Solis mendon se ky është vetëm hapi i parë i bashkëpunimit ndërkohë që komisionet përkatëse po punojnë edhe për projektet e tjera.
"Aty janë të parashikaura marrëdhëniet për shkëmbim eksperience mes të dy palëve", thotë ai. Ndërsa Mumxhiu përmend shkëmbimin e punës në lëmi të ndryshme, kërkime shkencore dhe projekte të tjera, praktika të studentëve dhe profesorëve.
"Mendojmë se Memorandumi i nënshkruar duhet të përsëritet edhe të plotësohet me kërkesa të tjera të domodsoshme", thotë ajo. Bashkëpunimi mes mjekëve të Shqipërisë dhe Kosovës arriti kulmin e tij në kohën e luftës së Kosovës, kur në spitalet e Shqipërisa janë kuruar me mijëra e mijëra bashkëkombas, pjesa më e madhe gra fëmijë dhe të moshuar. Prej dhjetë vjetësh Univerziteti i Tiranës pret studentë për përsosje nga Kosova.