Sot pritet firma për dy ministri të reja në Kosovë

Zyrtarë të lartë të qeverisë së Kosovës kanë konfirmuar, se ata janë në pritje të nënshkrimit të urdhëresës administrative nga shefi i UNMIK-ut, Soren Jesen Petersen, i cili do të autorizojë krijimin edhe të dy ministrive të reja. Ministrinë e Rendit dhe Ministrinë e Drejtësisë. Autoritetet thonë se, formimi i këtyre ministrive po kryhet në një fazë shumë të rëndësishme për vendin. Bisedimet për statusin e Kosovës tashmë kanë filluar dhe ky fakt shtron nevojën për përgjegjësi më të mëdha në Kosovë thotë, këshilltari i kryeministrit të Kosovës për çështje të sigurisë, Ramadan Qehaja.

Me krijimin e Ministrisë së Rendit dhe të Drejtësisë, nuk do të thotë se të gjitha kompetencat në këto fusha automatikisht do të kalojnë në duart e vendorëve, thotë të gjitha kompetencat në këto fusha. Procesi i bartjes së përgjegjësive në fushën e drejtësisë dhe rendit do të zgjasë disa muaj.

Akoma nuk dihet se kush janë personat që do të drejtojnë dy ministritë e reja. Kryeministri Bajram Kosumi, më herët është thënë se, të dy ministritë do të drejtohen nga ekspertë kosovarë të këtyre fushave për arsye se njerëzit profesionistë krijojnë lehtë besim tek qytetarët e vendit. Sidoqoftë, kalimi i përgjegjësive nga UNMIK-u tek institucionet vendore është një proces që vazhdon të zgjasë që nga vendosja e administratës ndërkombëtare në Kosovë prej gjashtë vjetësh. Megjithëse këto kohë po kryhet transferimi i kompetencave përfshirë këtu edhe atë që do të ndodhë në fushën e rendit dhe drejtësisë, mbrojtja e vendit dhe politika e jashtme do të vazhdojnë të jenë përgjegjësi të rezervuara për autoritetet ndërkombëtare KFOR-in dhe UNMIK-un.