Gobara ta kashe dalibai a Jamhuriyar Nijar

Gobarar ta tashi ne a azuzuwa uku da aka yi su da katakai a kudancin jihar Maradi, zuwa yanzu dai ba a tabbatar da musabbabin tashin gobarar ba.

Bangaren ilimi dai a Jamhuriyar Nijar ba ya samun kaso mai tsoka, matakin da ke da nasaba da rashin wadatattun makarantun boko masu inganci a kasar. Sai dai shugaban kasar na yanzu Mohamed Bazoum ya sha alwashin farfado da harkar ilimi a kasar.