Sojoji sun kashe manoma a Nijar

Sojoji a Nijar sun halaka wasu fararen hula 14 a wani farmakin kuskurensu da mayakan Boko Haram a yankin Abadam da ke kan iyakar kasar da Najeriya. Wani babban jami'a a yankin, ya ce sojojin gwamnatin Nijar din na sintiri ne a wuraren da aka haramtawa mutane gittawa a yankin na Abadam cikin yankin Diffa, inda suka buda wuta kan talakwan, da aka gano cewa wasu manoma ne.

Biyu daga cikin wadanda sojin suka halaka ne dai 'yan Nijar, sauran 12 kuwa bayanan mahukunta sun ce 'yan Najeriya ne. Lamarin dai na faruwa ne kwanaki uku da mayakan Haram suka kashe mutane tara tare da garkuwa da wasu masu yawa.

Yankin na Diffa dai ya fuskanci hare-hare da kuma artabu tsakanin sojin jamhuriyar ta Nijar da kuma mayakan na Boko Haram.