Castro kuwania ubunge nchini Cuba

HAVANA.Rais Fidel Castro ameteuliwa kuwania kiti cha ubunge nchini Cuba katika uchaguzi mkuu ujayo na kuashiria kuwa kiongozi huyo hajawa tayari kung´atuka katika siasa na kwamba huenda akarejea tena katika urais.

Castro ambaye hajaonekana hadharani toka alipokabidhi madaraka kwa mdogo wake Raul mwezi Julai mwaka jana baada ya kufanyiwa upasuaji,ni miongoni mwa wagombeaji wa ubunge katika uchaguzi utakaofanyika January mwakani.